Pas skandalit ku përfshihej zv/kancelari austriak Heinz-Christian Strache, e cili dha dorëheqjen para disa ditësh ka ardhur edhe shkarkimi i Kancelarit austriak konservator, Sebastian Kurz.
Ai u shkarkua sot nga një votim i paprecedentë në historinë e republikës së Austrisë, i partive kryesore opozitare.
Kancelari austriak Sebastian Kurz bëri thirrje për zgjedhje të parakohshme pas dorëheqjes së zëvendës kancelarit, që i dha fund koalicionit të tij qeverisës.
Heinz-Christian Strache dha dorëheqjen para pak ditësh pasi dy gazeta gjermane, “Der Spiegel” dhe “Sueddeutsche Zeitung”, publikuan pamje filmike ku ai shfaqej tek i ofronte kontrata shtetërore një investoreje të dyshuar ruse, gjatë një feste në Ibica të Spanjës.
Kancelari Kurz nuk mundi të arrinte një marrëveshje me udhëheqësit e Partisë së Lirisë mbështetës të politikave kundër-emigracionit të zotit Strache, për të çuar përpara koalicionin me Partinë Popullore të qendrës së djathtë.